എൻ്റു പ്പൂപ്പയെ കണ്ട ഓർമ്മ എൻ്റെ മനസ്സിലില്ല ഞാൻ ചെറിയ കുഞ്ഞായിരിക്കേ മരണപ്പെട്ടു പോയതാണ് ആ വിയോഗത്തിന് അരനൂറ്റാണ്ടെങ്കിലും ആയിരിക്കും വ്യക്തമായ തിയ്യതിയും വർഷവും കൈവശമില്ല
ചെമ്മനാട്ടെ പ്രശസ്ത കുടുംബങ്ങളിലൊന്നായ
ലേസ്യത്ത് തറവാട് അംഗമായിരുന്നു സി.എൽ ബാപ്പുഞ്ഞിയെന്ന നാട്ടുകാരുടെ ബാപ്പൂച്ച
എൻ്റെ ഉപ്പൂപ്പ എന്നത് മാതൃപിതാവും പിതാവിൻ്റെ മാതൃസഹോദരനും കൂടിയായിരുന്നു
+91 98469 07780
ലേസ്യത്ത് തറവാടിൽ സഹോദരങ്ങളെല്ലാം കൃഷിയിൽ കേന്ദ്രികരിച്ചപ്പോൾ ചെറിയ രൂപത്തിലുള്ള കച്ചവടവുമായി കഴിഞ്ഞ് പോവുകയായിരുന്നു ഉപ്പൂപ്പ എന്ന് കേട്ടിട്ടുണ്ട്
ഉപ്പൂപ്പയിയിൽ നിന്ന് അനന്തരാവകാശമായി കിട്ടിയ ഭൂസ്വത്തിലാണ് ഞങ്ങൾ അധിവസിക്കുന്നത് ഉമ്മക്കും മറ്റ് രണ്ട് സഹോദരങ്ങൾക്കുമായി ഭാഗിക്കപ്പെട്ട രണ്ടേക്കറോളം വരുന്ന തെങ്ങിൻ പറമ്പും അതിന് ചുറ്റിലുമായി വരിവരിയായി മതിലു പോലെ വച്ചു പിടിപ്പിക്കപ്പെട്ട വിവിധയിനം മാവിൻ തൈകളും മനോഹര കാഴ്ചയായിരുന്നു തെങ്ങുകളും മാവുകളുമൊക്ക പ്രായാധിക്യം കാരണം ദ്രവിച്ച് പോവുകയോ വെട്ടിമാറ്റപ്പെടുകയോ ചെയ്തുവെങ്കിലും ഇന്നും ഫലം കായ്ക്കുന്ന തെങ്ങുകളും മാവുകളും ചിലതെങ്കിലും ബാക്കി നിൽക്കുന്നുണ്ട്
ഇപ്പോൾ ഇതൊക്കെ ഓർക്കാനും കുറിക്കാനും കാരണമെന്നെന്ന് നിങ്ങളാലോചിക്കുന്നുണ്ടാവും തീർച്ചയായും ഈ ഓർമ്മകൾക്ക് നിമിത്തമായൊരു വ്യക്തിയുണ്ട് എൻ്റെ അയൽവാസി ശാഫിച്ച
ഉമ്മയുടെ ഒരു സഹോദരിയുടെ ഓഹരി വിറ്റപ്പോൾ അവിടെ കുടി വന്ന ആളാണ് ശാഫി ച്ചാൻ്റെ ഉമ്മയും കുടുംബവും
ബോംബെയിലും ,ഷാർജയിലും ഏറെ കാലം പ്രവാസിയായിരുന്ന വ്യക്തിയാണ് ശാഫിച്ച
ഇപ്പോൾ പ്രവാസം അവസാനിപ്പിച്ച ശേഷം പതിറ്റാണ്ടുകളായി വീണ്ടും പരിസരവും പരിപാലിക്കുകയും പകലന്തിയോളം പറമ്പിൽ തന്നെ ചില വഴിക്കുകയും ചെയ്യുന്ന ശാഫിച്ച നല്ലൊരു മാമ്പഴ കർഷകൻ കൂടിയായി മാറിയിരിക്കുന്നു വിവിധയിനം മാവുകളും മറ്റ് ഫലവൃക്ഷങ്ങളും അദ്ദേഹത്തിൻ്റെ ശേഖരത്തിലുണ്ട് മാത്രമല്ല അതിനെ കുറിച്ചെല്ലാം നല്ല അറിവുകളും സ്വായത്തമാക്കിയിട്ടുണ്ട്
മെയ് ആദ്യവാരം കൊണ്ടോട്ടിയിൽ നടന്ന മാമ്പഴ കർഷകരുടെ വാട്ട്സപ്പ് കൂട്ടയ്മകളുടെ സംഗമത്തിൽ ശാഫിച്ച ആദരിക്കപ്പെട്ടിരിക്കുകയാണ്
അദ്ദേഹം തന്നെ ക്രിയേറ്റ് ചെയ്ത മാമ്പഴകൃഷിക്കാരുടെ കൂട്ടായ്മക്കും ബഡ്ഡിങ്ങിലൂടെ ഉത്പാദിപ്പിച്ച മാങ്ങയ്ക്കും അദ്ദേഹം നൽകിയിരിക്കുന്നത് ബാപ്പൂസ് മാംഗോ എന്നാണ്
മാവിനെയും മാങ്ങകളെയും സ്നേഹിക്കുന്ന ഇത്തരം കർഷകരും ഇതു പോലെ വ്യത്യസ്ഥ കൃഷികളിൽ തത്പരരായവരെയും കണ്ടെത്തി ആദരിക്കേണ്ടത് തന്നെയാണ്
ഉപൂപ്പ നട്ടു വച്ച മാവുകൾ ഫലം തരും മുമ്പേ ഉപ്പൂപ്പ ലോകത്തോടു വിട പറഞ്ഞെങ്കിലും ഇന്നിൻ്റെ തലമുറ പതിറ്റാണ്ടുകളായി അതിൻ്റെ സുകൃതം അനുഭവിക്കുകയാണ്
ആ നന്മയെ പ്രാർതനാപൂർവ്വം സ്മരിച്ച് കൊണ്ടാണ്
ശാഫിച്ച തൻ്റെ ഗ്രൂപ്പിനും മാങ്ങയ്ക്കുമെല്ലാം ബാപ്പൂസ് എന്ന് നാമകരണം ചെയ്തിരിക്കുന്നത്
