ഇക്കഴിഞ്ഞ ഫെബ്രുവരിയിൽ (25/02/18) ഇഹലോക വാസം വെടിഞ്ഞ കാസറഗോഡ് ചെമ്മനാട് പഞ്ചായത്ത് മുസ്ലിം ലീഗ് മു പ്രസിഡന്റായിരുന്ന ടി.എച്ച് അബ്ദുല്ല സാഹിബ് ചെമനാടിന്റെ ചരിത്രത്തിൽ വർണ്ണ ലിപികളാൽ കൊത്തിവെയക്കപെടേണ്ട നിസ്വാർത്ഥിയായ കർമ്മ യോഗിയായിരുന്നു
ചെമനാടിൻറ്റെ സാമൂഹ്യ രാഷ്ട്രീയ മണ്ഡലത്തിൽ പൂനിലാവ് പോലെ പ്രകാശം പരത്തിയ ടി.എച്ച് നമ്മെ വിട്ട് പിരിഞ്ഞിരിക്കുന്നു
ഇന്ത്യൻ യൂനിയൻ മുസ്ലിം ലീഗിന്റെ ആവിർഭാവ കാലം മുതൽ ശാഖാതല പ്രവർത്തനം തുടങ്ങിയ ചെമനാട് പ്രദേശത്ത് മാഹിൻ ശംനാട് സാഹിബിന്റെയും എ.ബി. അബ്ബാസ് കുട്ടി സാഹിബിറ്റേയുമൊക്കെ നേതൃത്വത്തിൽ ആകൃഷ്ടരായി വിദ്യാർത്ഥി കാലഘട്ടം മുതൽ ലിഗ് രാഷ്ടീയത്തെ നെഞ്ചേറ്റിയ ഒരു തലമുറയിലെ പ്രധാന കണ്ണിയായിരുന്നു' സീ ടി.എച്ച്
ടി എച്ച് അബ്ദുള്ള (CTH) എന്ന പഴയ കാല പലചരക്ക് ഹോൾസെയിൽ വ്യാപാരിയെ പുതുതലമുറ വ്യാപാരികൾക്ക് അത്രയ്ക്കും സുപരിചിതനാവണമെന്നില്ല.
കാസറഗോഡ്മർച്ചൻസ് അസോസിയേഷന്റെ ( K VVES) സ്ഥാപക നേതാക്കളിൽ ഒരാളും സംഘടനയുടെ പഴയ കാല ട്രഷററും ആയിരുന്നു.
മത, രാഷ്ട്രീയ, വക ഭേദമില്ലാതെ എല്ലാവർക്കും ഒരു അക്ഷയപാത്രമായിരുന്നു അദ്ദേഹം
. ദാന ധർമ്മങ്ങൾ അധികരിച്ചതിന്റെ പേരിൽ ആരും പാപ്പരായതു കേട്ടിട്ടില്ല പക്ഷേ ഖായിദെ മില്ലത്തിനെ പോലെ സമ്പന്നതയുടെ മടിതട്ടിൽ നിന്നും ഫഖീ റായി മരണപ്പെട്ട ചരിത്രത്തിന്റെ പുനർ പതിപ്പായി മാറുകയായിരുന്നു ഹാജി സി.ടി. ഹസ്സൻകുട്ടിയുടെ പുത്രൻ ടി എച്ച് അബ്ദുല്ല സാഹിബ്
മുസ്ലീം ലീഗിന്റെ എക്കാലത്തെയും മുൻനിര നേതാക്കളിൽ ഒരാളായിരുന്നു.എതാണ്ട് കാൽ നൂറ്റാണ്ട് കാലം ചെമ്മനാട് ഗ്രാമപഞ്ചയാത്ത് മെമ്പറും അതിൽ ഒരു വേള വൈസ് പ്രസിണ്ടന്റം ആയിരുന്നു.ചെമ്മനാട്ടുക്കാർക്ക് ഗൾഫിൽ പോകാനും, വീട് നിർമ്മിക്കുവാനും വിവാഹ അനുബന്ധ ചിലവുകൾക്കും, ആശുപത്രി ചിലവുകൾക്കും എന്നും ഒരു അത്താണി ആയിരുന്നു അദ്ദേഹം.
തെരഞ്ഞെടുപ്പ് കാലഘട്ടത്തിലും അല്ലാത്തപ്പോഴും ജനങ്ങളോടൊപ്പം നിലയുറപ്പിച്ച ജനകീയനായിരുന്നു അദ്ദേഹം
അദ്ദേഹം ഏറെ കാലം താമസിച്ചിരുന്ന ചെമനാട് മുണ്ടാങ്കുളത്തെ വസതി അശരണരുടെ അഭയകേന്ദ്രമായിരുന്നും
ജി.എം ബനാത്ത് വാല സാഹിബ് അടക്കമുള്ള നിരവധി ലിഗ് നേതാക്കൾ ആതിഥേയത്വം സ്വീകരിച്ച് ഈ വസതിയിലെത്തിയിട്ടുണ്ട്
വളരെ ചെറുപ്പത്തിൽ തന്നെ പ്രവർത്തന രംഗത്തിറങ്ങിയ അദ്ധേഹം മാഹിൻ ശംനാട് സാഹിബിറ്റേയും എട്ടും വളപ്പിൽ
അബ്ദുൾ കാദർ സാഹിബിന്റെറയുമൊക്കെ തെരഞ്ഞെടുപ്പ് പ്രവർത്തനങ്ങളിൽ പങ്കാളിത്തം വഹിച്ചത് അഭിമാന പൂർവ്വം ഓർക്കാറുണ്ടായിരുന്നു
മുസ്ലിം ലീഗ് പിളർപ്പിന്റെ കാല ഔദ്യോഗിക പക്ഷത്ത് നിലയുറപ്പിച്ച അദേഹം നിസ്തുലമായ പ്രവർത്തനമാണ് നടത്തിയിരുന്നത്
പഞ്ചായത്ത് മുസ്ലിം ലീഗ് പ്രസിഡന്റായി കരുത്തുറ്റ നേതൃതം നല്കി
ഏതു പ്രതികൂല സാഹചര്യത്തിലും വേട്ടെണ്ണാതെ ഫലം പറയുന്ന വാർഡ് ആയിരുന്നു ചെമ
നാട് ആറാം വാർഡ്
പ്രസ്തുത വാർഡ് വനിതാ സംവരണം ആകുന്നത് വരെ സ്ഥാനാർത്ഥി ആരെന്ന ചോദ്യവും പാർട്ടിയിലുണ്ടാവാറില്ല അത് ടി. എച്ചിന് സ്വന്തമായിരുന്നു
1979 മുതൽ ' രണ്ടായിരത്തിന്റെ തുടക്കം വരെ ചെമനാട് വാർഡ് മെമ്പറായിരുന്നു ടി.എച്ച്
ചെമനാട് ജമാഅത്ത് കമ്മിറ്റി ഭാരവാഹിയായും 'മെമ്പറായം പ്രവർത്തിച്ച അദേഹം മുസ്ലിം സാധു സംരക്ഷണ സംഘത്തിന്റേയും വൈ.എം എം.എ യു ടെ യും പ്രവർത്തനങ്ങളിലും ഉയർച്ചയിലും സർവ്വോപരി ചെമനാടിന്റെ സാമൂഹ്യ മണ്ഡലത്തിൽ എമ്പാടും നിറഞ്ഞു നിന്ന അദ്ദേഹത്തിന്റെ സേവനം ചരിത്രത്തിൽ വിസ്മരിക്കപ്പെടാത്ത വിധം അതുല്യമാണ്
മുൻ മന്ത്രിയും മുസ്ലിം ലീഗ് സംസ്ഥാന വൈസ് പ്രസിഡന്റുമായ സി.ടി. അഹമ്മദലി സാഹിബിന്റെ പിതൃസഹോദര പുത്രൻ കൂടിയായ
അദ്ദേഹത്തിന്റെ ജനാസ ചെമ്മനാട് ജുമാ മസജിദ് കബർസ്ഥാനിൽ മലബാറിലെ ലീഗ് ചരിത്രത്തിലെ ഉന്നതനായിരുന്ന മാഹിൻ ശംനാട് സാഹിബിന്റെ - ഖബറിനു ചാരെ അടക്കം ചെയ്യപ്പെടുമ്പോൾ തടിച്ച് കൂടിയ പലരുടെയും കണ്ണുകൾ ഈറനണിഞ്ഞിരുന്നു
സർവ്വ ശക്തനായ നാഥൻ അദ്ദേഹത്തിന് പൊറുത്ത് കൊടുക്കട്ടെ
മുസ്തഫ മച്ചിനടുക്കം
വൈസ് പ്രസിഡന്റ്
ചെമ്മനാട് പഞ്ചായത്ത് മുസ്ലിം ലീഗ്
മുസ്ലിങ്ങളടക്കമുള്ള പിന്നാക്ക വിഭാഗങ്ങളുടെയും ന്യൂനപക്ഷങ്ങളുടെയും ഭരണഘടനാപരമായ അവകാശങ്ങള് സംരക്ഷിക്കുകയും രാഷ്ട്രനിര്മാണത്തില് ഫലപ്രദമായ പങ്കുവഹിക്കാന് അവരെ പ്രാപ്തരാക്കുകയും ചെയ്യുന്ന ദേശീയകടമയാണ് മുസ്ലിം ലീഗിന് നിര്വഹിക്കാനുള്ളതെന്ന് ഉറച്ചുവിശ്വസിച്ച സമാദരണീയനായ നേതാവായിരുന്നു പാണക്കാട് സയ്യിദ് മുഹമ്മദലി ശിഹാബ് തങ്ങള്. വിവിധ മത, സാംസ്കാരിക വിഭാഗങ്ങള് വസിക്കുന്ന ഇന്ത്യയെപ്പോലുള്ള മഹാരാജ്യത്ത് മുസ്ലിങ്ങള്ക്ക് സ്വീകരിക്കാവുന്ന ഏറ്റവും പ്രായോഗികവും ഫലപ്രദവുമായ മാര്ഗമാണ് ഇസ്മായില് സാഹിബും ബാഫഖി തങ്ങളും മറ്റുനേതാക്കളും കാണിച്ചുതന്നതെന്ന് ആവര്ത്തിച്ചുപറയാറുള്ള ശിഹാബ് തങ്ങള്, ജനാധിപത്യത്തിലും മതേതരത്വത്തിലും സാമൂഹിക നീതിയിലും അധിഷ്ഠിതമായ ഒരു കാഴ്ചപ്പാടാണ് നേതൃസ്ഥാനത്ത് സ്വീകരിച്ചത്. സാംസ്കാരികവും വിശ്വാസപരവുമായ വ്യക്തിത്വം നിലനിര്ത്താനുള്ള അവകാശം, എല്ലാ പുരോമനരാഷ്ട്രങ്ങളും അംഗീകരിച്ച മൗലികാവകാശമാണെന്ന് സമര്ഥിക്കാറുള്ള ശിഹാബ് തങ്ങള് മതേതര, ജനാധിപത്യ വിശ്വാസികളുമായി സഹകരിച്ച് രാഷ്ട്രീയദൗത്യം നിര്വഹിക്കാന്മുന്കൈയടുത്തു. ഏതുകാര്യവും ഏറെ ചിട്ടയോടെയും കൃത്യതയോടെയും ചെയ്യുക എന്നതായിരുന്നു തങ്ങളുടെ രീതി. ചെറുപ്പംമുതലേ എഴുത്തുകാരനായിരുന്നു തങ്ങള്. ഈജിപ്തില് പഠിച്ചുകൊണ്ടിരിക്കെ, ചന്ദ്രിക ആഴ്ചപ്പതിപ്പില് ലേഖനമെഴുതാറുള്ള തങ്ങള്, പിന്നീട് 'ചന്ദ്രിക'യുടെ നടത്തിപ്പുകാരായ മുസ്ലിം പ്രിന്റിങ് ആന്ഡ് പബ്ലിഷിങ് കമ്പനിയുടെ മാനേജിങ് ഡയറക്ടറായി. പിതാവ് പാണക്കാട് പൂക്കോയ തങ്ങള് വഹിച്ച സ്ഥാനങ്ങള് ഏറ്റെടുത്ത ശിഹാബ് തങ്ങള്ക്ക്, ഭാര്യാപിതാവ് സെയ്ദ് അബ്ദുറഹിമാന് ബാഫഖി തങ്ങളുടെ രാഷ്ട്രീയപ്രബുദ്ധത ഏറെ സഹായകമായി. സി.എച്ച്. മുഹമ്മദ്കോയയുടെയും ബി.പി. അബ്ദുള്ളക്കോയയുടെയും സ്ഥിരമായ സാന്നിധ്യം ഇന്ത്യന് യൂണിയന് മുസ്ലിം ലീഗിന്റെ നയരൂപവത്കരണത്തില് ശിഹാബ്തങ്ങള്ക്ക് താങ്ങും തണലുമായി. സംഘടനാപിളര്പ്പിനുശേഷം വീണ്ടും മുസ്ലിം ലീഗ് യോജിച്ചുനിന്നപ്പോള് സെയ്ദ് ഉമര് ബാഫഖി തങ്ങളും കേയി സാഹിബും ഉള്പ്പെടെയുള്ള നേതാക്കളുടെ ഉപദേശങ്ങള് അദ്ദേഹം തേടി. ശിഹാബ് തങ്ങളുടെ ഈജിപ്തിലെ സഹപാഠികളായി ഒട്ടേറെ പ്രമുഖരുണ്ടായിരുന്നു. മാലിയിലെ മന്ത്രിയായ ഫാത്തുള്ള ജമീല് എന്ന സഹപാഠി ക്ഷണിച്ചതനുസരിച്ച് മാലിദ്വീപ് സന്ദര്ശിക്കുമ്പോള് അന്ന് 'ചന്ദ്രിക' അസിസ്റ്റന്റ് എഡിറ്ററായിരുന്ന, യു.എ. ബീരാന് സാഹിബിനെ കൂടെ കൊണ്ടുപോയി. കയ്റോവിലെ മറ്റൊരു സതീര്ഥ്യനായിരുന്ന ബര്മ സ്വദേശി ജമാല്, മാലിയിലെ ഉന്നതോദ്യോഗസ്ഥനായിരുന്നപ്പോഴാണ് സന്ദര്ശനം. മാലി പ്രസിഡന്റ് മഖ്മൂല് അബ്ദുള് ഖയൂമും വിദേശകാര്യമന്ത്രി ജമീലും കേരളം സന്ദര്ശിച്ചപ്പോള് സ്വീകരിക്കാന് തങ്ങള് കൊച്ചിയിലെത്തി. ചരിത്രകുതുകിയായ തങ്ങള്, എവിടെയെത്തിയാലും ചരിത്രശകലങ്ങള് പെറുക്കിയെടുക്കുന്നതില് വലിയ തത്പരനായിരുന്നു. സലാലയിലും കുവൈത്തിലും ചരിത്ര സ്മാരകങ്ങളിലും മ്യൂസിയത്തിലും മണിക്കൂറുകള് തങ്ങള് ചെലവഴിക്കുമായിരുന്നു. അറയ്ക്കല് രാജവംശത്തിന്റെ ചരിത്രം ചികഞ്ഞുകൊണ്ട് അദ്ദേഹം കണ്ണൂരില് പഠനപര്യടനംതന്നെ നടത്തിയിട്ടുണ്ട്. അറബി, ഉറുദു ഭാഷകളുടെ നിലനില്പിനുവേണ്ടി അദ്ദേഹം അക്ഷീണം പ്രയത്നിച്ചു. സാമുദായികമൈത്രിയുടെ ദീപശിഖ ഉയര്ത്തിപ്പിടിച്ച തങ്ങള്, ഹിന്ദു-മുസ്ലിം സൗഹൃദത്തിന്റെ അംബാസഡറായിരുന്നു. മതസൗഹാര്ദം കാത്തുസൂക്ഷിക്കാന് അദ്ദേഹം അനുയായികളെ പ്രേരിപ്പിച്ചു. നന്മയുടെ കൂട്ടായ്മയായിരുന്നു അദ്ദേഹം ഇഷ്ടപ്പെട്ടത്. പോഷകസംഘടനകളെ സേവനപാതയിലൂടെ ചരിപ്പിക്കാന് ആത്മാര്ഥമായി അദ്ദേഹം യത്നിച്ചു. പൂര്വികര് കൂട്ടായ്മയിലൂടെ ചൊരിഞ്ഞ ചിന്തയുടെ കനലുകള് മനസ്സില് സൂക്ഷിച്ചുകൊണ്ടായിരുന്നു അദ്ദേഹത്തിന്റെ നീക്കം. സ്നേഹവികാരങ്ങളുടെ പിന്ബലത്തോടെ വിനയാന്വിതനായി ചുമതലകള് നിര്വഹിച്ച തങ്ങളെ, ഉദ്ഘാടനത്തിനു കിട്ടാന് സ്ഥാപനങ്ങളും വ്യക്തികളും പാണക്കാട്ട് തമ്പടിച്ചിരുന്നു. ഒട്ടേറെ പുസ്തകങ്ങള്ക്ക് തങ്ങള് അവതാരികകള് എഴുതിയിട്ടുണ്ട്. മണ്മറഞ്ഞ വ്യക്തികളെക്കുറിച്ച് തങ്ങള് എഴുതിയ അനുസ്മരണലേഖനങ്ങള് മുഴുക്കെ അവരുടെ ശ്രദ്ധേയമായ സംഭാവനകള് ഉയര്ത്തിക്കാട്ടുന്നവയായിരുന്നു. ഇന്ത്യയിലെ മുസ്ലിങ്ങള് വൈദേശികാധിപത്യത്തില്നിന്ന് ഇന്ത്യയെ മോചിപ്പിക്കാന് അര്പ്പിച്ച രക്തത്തിന്റെ അളവും ത്യാഗത്തിന്റെ ആഴവും വിവരണാതീതമാണെന്ന് പുതിയ തലമുറയെ അദ്ദേഹം ബോധവാന്മാരാക്കി. വിഭജനത്തെത്തുടര്ന്നുള്ള കാലഘട്ടത്തില് ആത്മധൈര്യം ചോര്ന്നുപോയതും അതിശക്തമായ അപകര്ഷബോധവുമായി ജനപഥം അലക്ഷ്യമായി നീങ്ങിയതും പാഠമാക്കി ആത്മധൈര്യവും ചൈതന്യവും നല്കി അവരെ ദേശീയജീവിതത്തിന്റെ ധാരയിലേക്ക് കൈപിടിച്ചാനയിച്ച മുസ്ലിം ലീഗിന്റെ നേതൃത്വം, ശ്രമകരവും ക്ലേശപൂര്ണവുമായ ഒരു ദൗത്യമായിരുന്നുവെന്ന് അദ്ദേഹത്തിന് അറിയാമായിരുന്നു. ദേശീയജീവിതത്തിന്റെ ധാരയില്നിന്ന് ഒറ്റപ്പെടാതെ അഭിമാനവും അന്തസ്സുമുള്ള ഒരു സമൂഹമായി ന്യൂനപക്ഷത്തെ മുന്നോട്ടു നയിക്കാനായിരുന്നു അദ്ദേഹം ശ്രമിച്ചത്. സ്വദേശസ്നേഹവും സമുദായസ്നേഹവും ഒരിക്കലും കൂട്ടിമുട്ടാത്തരണ്ടു നേര്രേഖകളായിരുന്നു എന്നദ്ദേഹം തെളിയിച്ചു. സ്വതന്ത്രഭാരത്തില്, വിശിഷ്യാ കേരളത്തില് മുസ്ലിം രാഷ്ട്രീയത്തിന്റെ പ്രസക്തിയെ ന്യായീകരിക്കുന്ന പ്രവര്ത്തനങ്ങളാണ് തങ്ങള് നടത്തിയത്. രാഷ്ട്രീയ പ്രതിയോഗികള്ക്കുപോലും അദ്ദേഹം പ്രിയങ്കരനായിരുന്നു. ദേശാഭിമാനിയായ സമുദായസേവകനാണ് തങ്ങളുടെ വിയോഗത്തോടെ നഷ്ടപ്പെട്ടത്.